बॉसची गाडी
शॉप समोर उभी.
रात्रीही घरी जायला तयार नाही.
१२ वाजताच मशीन सुरु झाल्या.
दोघं तिघं दबकत - दबकत आले,
गाडी भोवती चक्कर मारुन गेले.
गाडी पंक्चर तर नाही?
तर्कावर तर्क करत राहीले.
केबिनकडे तिरकी नजर टाकून गेले.
झोप येऊ नये म्हणून सुट्टीत कैन्टीनला गर्दी झाली.
एक मिनिटही न झोपता थर्ड शिफ़्ट संपली.
... .... ...
... .. .
...
सूर्याच्या प्रकाशात गाडी डोळे मिचकावत उभी होती.
बॉस घरी निवांत झोपला होता.
बंद पडलेली गाडी शॉपवर बॉसिंग करत होती.
0 comments:
Post a Comment